- жинақылық
- (Выправка, мобильность; лат. mobilis — жылжымалы)
әскерлердің (күштердің) ұрыс қимылда-рының алдында және барысында әр түрлі жағдайларда шапшаң жылжу (қозғалу), сондай-ақ ұрыстық ретке жайылу (жазылу) қабілеті. Әскерлер (күштер) қозғалысының жылдамдығымен және олардың жазылу уақытымен сипатталады. Әскерлердің маневрі мен қайта топталуын тез жүзеге асыру мүмкіндігі факторларының бірі болып табылады. Әскерлердің (күштердің) жоғары жинақылығы олардың жауынгерлік күшін шабуылда жауды (қарсыласты) талқандау үшін және қорғаныста қарсы соққы беру кезінде тиімді пайдалануға жол береді, сонымен қатар өз шығындарын азайтуға әсерін тигізеді. Ж. термині кейде әскери техниканың жылжымалылығын білдіру үшін де қолданылады. Ж-ты арттыруға (жоғарылатуға) бөлімдер мен құрамалардың құрамында танк, ЖҰМ, БТР, автомобиль санын көбейту, әскерлерді өздігінен жүретін артиллериямен жабдықтау, ұрыстық, көліктік және арнайы машиналардың өнімділігін, арттыру арқылы қол жеткізіледі. Көптеген (бірқатар) шетел армияларында Ж-ты арттыру (жоғарылату) жолдарын іздестіруге үлкен мән берілген және берілуде. 1960 жылдардың басында АҚШ армиясында авиация мен тікұшақтарды ұрыс даласына жаяу әскер бөлімшелері мен бөлімдерін жылдам түсіру үшін пайдалануды қарастыратын әуе жинақылығының тұжырымдамасын әзірлеу басталды. Стратегиялық Ж. деп әскерлерді қысқа мерзімде бір әскери қимылдар театрынан екіншісіне тасымалдау авиациясымен және теңіз флотымен түсіру мүмкіндігі айтылады.
Казахский толковый терминологический словарь по военному делу. — Мектеп.